وبعدين يعنى ...!!! عمرو الليثى ؟

[BeTo LoVe]

عمرو الليثى كل يوم خميس بيجى البرنامج بتاعه

بنتفرج عليه وبنتابعه وبقاله كام حلقه كدة بيجيب العشوائيات اللى فى بلد

او بالاخص اللى فى القاهرة وبنشوف بجد ناس عايشين ومش عايشين ناس حالهم يصعب على الكافر

ناس غلبانه اوى والحكومه مش حاسه بيهم يقدر مسئول كبير كدة يعيش نص ساعه بس من غير ميه وكهربا ومجارى

وكل مرة تيجى الحلقه التانيه وبردة مش فى رد من المسؤلين وبردة الناس عايشه تحت الارض وبيعيوا وبيموتوا والمسؤلين ساكتين

طيب وبعدين..؟؟لحد امتى..؟؟ مش حرام اطفال زى الورد اول ما يتولدوا يعيوا مش حرام ناس اكبر امنيه ليهم شقه...!!

ليهم ربنا وعمرو الليثى وبعض الشرفاء...وحسبى الله ونعم الوكيل.

[mdamedo...]

ربنا يكون في عونهم بجد
والمناطق مش موجوده في القاهرة بس
ده في كل حتي في مصر
احنا عندنا يابيتو اكتر من ستين في المية تحت خط الفقر العالمي

لهم ربنا ثم عمرو الليثي

يارب كنا نقدر نعمل حاجة

[انين الحزن]

فعلا حسب الله و نعم الوكيل فيهم

يقدر مسئول كبير كدة يعيش نص ساعه بس من غير ميه وكهربا ومجارى

لا طبعا مافيش مسؤل يرضى يعيش كده خمس دقايق على بعضهم
ودول اصلا يحسو ازاى بالناس الغلابه اللى زى دول
دول ميحسوش غير بنقص فلوسهم و ازاى يسرقو و يزودو من فلوسهم
اا الغلابه يفكرو فيهم
بياكلو ولا يشربو ولا مساكنهم عامله ازاى الناس دى
بره تفكيرهم اصلا لان تفكيرهم فى حاجه اهم من كده بكتير بالنسبالهم
تفكيرهم فى الفلوس و ازاى يعرفو يسرقو الشعب اكتر و اكتر

الغلابه ملهومش غير ربنا يا بيتو
و لعل و عسى عمرو الليثى يكون سبب فى ان اى حد يتحرك او اى حد يعملهم اى حاجه

تسلم يا بيتو على التوبيك

[ضحكة ملاك...]

اولا بشكرك يا بيتو ع التوبيك الروعة ده
وفعلا حسبى الله ونعم الوكيل فيهم
حاميها حراميها
دول حراميها بالهبل
فعلا ازاى هيحسو بالناس اللى بتكمل عشاها نوم
او اصلا مبتاكلش
ربنا يهديهم ويفتكرو ان ربنا موجود
لو الناس مش شايفاهم ولا شايفة فضايحهم ونهبهم وسرقتهم فى ربنا شايفهم

لو نيلك كان صلصلة يا بلدى برضو مش هيقضى الكوسة اللى فيكى

دى كلمة سمعتها بس مش فاكره من مين


وفعلا حقيقة كل النيل ده مش هيقضى الكوسه اللى فيكى يا بلدى

يا حبيبتى يا بلدى